New Delhi, March 31 : Filmmaker Ali Abbas Zafar tu etya tailaga ahibole thaka film Bade Miyan Chite Miyan relese hobole rukhi asey. Etu film te action star Akshay Kumar aro Tiger Shroff lead role te asey. Ekta nutun interview te, Ali para share kurisey ki etya tai para action genre te, Shah Rukh Khan, Amir Khan aro Ajay Devgan ke direct kuribole mon asey hoilebi alag alag film te.
March 31 te, Bade Miyan Chote Miyan director Ali Abbas Zafar para PTI logotey baat-chit kurisey. Baat-chit kora homoitey, tai para koisey ki tai tu Shah Rukh Khan, Aamir Khan aro Ajay Devgan ke action film te cast kuribole mon asey.
Tai para enaka koisey, “Ami tu industry laga sob actor logotey kaam kuribole mon asey, hoilebi hoi amilaga wish list te Aamir Sir, Shah Rukh Sir aro Ajay Devgan asey. Ami taikhan logotey action kuribole mon asey. Taikhan sob logotey alag alag kisim laga action hobole asey.”
Najanikina thaka manu khan nimitey, Ali para Tiger Zinda Hai, Sultan aro Bharat film te Salman logotey kaam kurisey. Tai para agey barikina koisey, “Sultan tu ekta sports drama asey, hoilebi etu te action bi asey. Apni para sob alag alag kisim laga actor nimitey ekta action film banabole lagijai kuntu ke taikhan nimitey banai nohoilebi taikhan ke taikhan laga comfort zone para bahar olai.
Add Comment