New Delhi, March 31 : Amar Singh Chamkila tu etu saal laga sobsey bisi rukhi thaka film asey. Diljit Dosanjh ke dangor role te dikhaikina, etu film para Punjab laga manu khan laga original rockstar laga nokoikina thaka hosa kahani koi. Hoilebi, Pinkvilla logotey kora ekta nutun interview te, director Imtiaz Ali para share kurisey ki Diljit ke lead role te dhalibole tai olop doubt te thakisey kilemaney tai para bhabna kurisey ki Diljit para etu role kuribole naparibo.
Etu interview te jitya Imtiaz Ali ke Diljit ke Parineeti Chopra logotey tailaga singer-maiki Amarjot laga role te cast kora laga opor te sawal kora homoitey koisey, “Amike bi enaka lagi asey ki jitya ami para taikhan ke eksath nohoilebi alag alag sai ami tu Diljit aro Parineeti laga alava kunke bi Chankila aro Amarjot laga role lay kuribole bhabna bi kuribo naparey. Diljit para etu role kuribole paribo na nai etu ami sure thakanai. Ami ke lagi thakisey ki tai etu kuribole naparibo.
Tai para agey barikina koisey ki tai para etu actor ke lok kora picheyte tailaga bhabna kora laga tarika bodli hoisey.
Add Comment