Saudi Arabia: Friday, Saudi Arabia te Lionel Messi international suspension te wapas ahi kena Argentina karne score kuri kena 1-0 pora Brazil ke harai dise.
Game biche te, Messi pora koise ki rivalry Brazil ke harai dibole toh ‘important’ ase. “Chitibole important ase aro Brazil ke harai dibole toh hotai phal ase,” Messi pora koise.
“Ahibole laga sob karne phal ase, qualifiers aro next Copa America ( 2020) ke saa somoy te phal wala hoi kena jabole toh.”
South American Football Confederation “corrupt” biche te jarta game miss kuriya Barcelona striker pora 14 minute biche te score kuri kena Argentina ke chitai dise.
Etu kamiyab pora Copa America July te chitiya biche te Brazil laga winless panchta games te jai ase.
Brazil pora Argentina ke 2-0 pora jowa bar Copa America semi-finals te log kuriya somoy te harai dise.
Argentina khan panch minute biche te penalty laga moka paise aro Brazilian keeper Alisson pora Messi laga penalty ke rokhai dise, Barcelona striker etu biche te Argentina 1-0 lead kuri dise.
Copa America laga semi-final pora ola biche te Argentina khan etya panchta game khiliya te pora teenta chiti kena ase.
Add Comment