GUWAHATI , November 16, 2019: Friday, Wankhede Stadium te Syed Mushtaq Ali Twenty20 Trophy laga Group D league match te Meghalaya pora Mumbai ke harai dise.
Meghalaya laga teenta guest players- Ravi Teja, Puneet Bisht aro Sanjay Yadav- jarta ball bachi kena six-wicket pora team khan ke chitai dise.
Mumbai pohila Batting kuri kena 158 bonai dise, Meghalaya te Ravi Teja (60 not out) aro Sanjay Yadav (55) pora half century mari kena bar kuri dise.
Puneet Bisht pora bhi 12 balls te 23 score kurise.
Etu biche te hosts khan Shivam Dube aro Atif Attarwala duijun ke naloi kena Sujit Nayak aro Dhrumil Matkar ke khushai kena field loise.
“Etu toh moi khan laga team karne sobna kamiyab howa ase,” Meghalaya Cricket Association laga joint secretary aro team manager Chiang D-Shira pora koise.
Team khan ke Congratulate kuri kena, Meghalaya Chief Minister Conrad Sangma pora tweet kurise, “Aji BCCI @paytm #MustaqAliT20 tournament te Meghalaya khan pora Mumbai ke harai di kena kahani bonai dise. Moi khan laga Team aro coaches khan ke Congratulations! Moi khan laga team ke moi khan bishi khushi pai!”
“Aji @paytm #MushtaqAliT20 te ektam mon biya ekta hoise kintoh Meghalaya khan pora Mumbai ke tai khan nijor laga jaga Wankhede Stadium te harai dise. Etu toh Mumbai laga pohila hariya ase etu season laga tournament te,” BCCI pora tweet kurise.
Add Comment