Army para East Sikkim high-altitude drill te AI, drones aro surveillance tech test kurise

Sikkim, 29 July : Indian Army East Sikkim te ekta major field exercise complete kurise, juntu July 2025 te “Exercise DIVYA DRISHTI” naam te conduct kora hoise. Etu drill laga main focus thakise high-altitude warfare scenario te real-time surveillance, artificial intelligence (AI), aru rapid response test kuribole. Aim thakise modern battlefield karone emerging technology khan ke validate kuribole. Trishakti Corps laga troops khan rugged terrain te kaam kurise, juntu te ground systems aru UAVs/drones milaikene combat simulation kurise. Main objective thakise real-time data gathering, secure communication, aru rapid command decision laga effectiveness test kuribole. Exercise te ekta dangor technological highlight thakise — AI-powered sensors deploy kora hoise juntu secure communication backbone logot connected thakise. Etu system battlefield intelligence ke remote area para near-instant command centre te transmit kuri dise, juntu situational awareness enhance kurise aru fast, informed response support kurise. Army Headquarters laga taraf para Lieutenant General Rakesh Kapoor, Deputy Chief of Army Staff, exercise observe kurise aru trial te thaka systems review kurise.