Aru bhi bhal para implement kuriboli meeting loishey CMHIS laga

September 18, 2024, 05:20 PM : Ekta teen din laga interaction aru detailed discussion  kuria laga  meeting loishey, Chief Minister’s Health Insurance Scheme (CMHIS) laga beneficiary kun khan treatment avail kuri asey, Deli NCR para, itu laga regard tey, kuntu toh hoiley – Resident Commissioner, Nagaland House, New Delhi, Wennyei Konyak NCS; Joint Director and State Nodal Officer (Health & Family Welfare), Dr. Hentok Phom; Deputy Director aru Senior Public Relations Officer (Information & Public Relations), Kuolie Mere, Paramount Health Services aru Insurance TPA Pvt. Ltd., Future Generali Insurance Company aru Delhi NCR laga 19 empanelled hospital laga representative khan majetey itu meeting toh loa laga asey koishey. Itu meeting toh hoiley Nagaland House, New Delhi  tey para loishey, 11^th para 13^th September, 2024 tak tey. Discussion khan kuria tey, itu beneficiary khan para aru Delhi NCR laga hospital khan para technical challenges khan face kuria laga  address kurishey, itu benefit avail kuria homoi tey. Itu Paramount Health Services and Insurance TPA Pvt Ltd aru Future Generali Insurance Company laga insurance team, kuntu toh hoiley Joint Director aru State Nodal Officer, Health & Family Welfare, Dr. Hentok Phom para chulai jai thakey, tai para alag alag hospital khan tey visit kurishey, aru bhal para bujiboley aru tai toh itu laga solution bhi ulaishey, itu gap khan bridge kuriboley, patient khan aru hospital duita para bhi face kuria laga.