Arunachal: ED para nine jaga te raid kure she Arunachal Pradesh te, mudu smuggle kurea karne

Itanagar, April 26, 2026: Enforcement Directorate (ED) para Arunachal Pradesh laga nine jaga te raid kure she April 23 te, kunto mudu wholesale firms khan ase. Assam aro alak jaga khan te loi ja karne etu probe kure she koi she. ED laga Guwahati Zonal office laga officials khan Itanagar, Naharlagun, Seppa, ZIro, Daporijo, Namsai aro Roing te raid kure she, Prevention of Money Laundering Act (PMLA) 2002 laga betor te para. Assam police aro Assam Excise Department para FIRs khan de she koi she, kagos thik natha ke kena Arunachal te para Assam te mudu ahne kena mudu beka te. 173 FIRs de kena ase koi she. February 4, 2025 te be, tinta mudu bana jaga te raid kure she, kunto operation laga mastermind thake she. Etu tinta toh alak 25 firms logo te link thake she koi she.