Manipur: Police khan para ekta manu ke dure she, codeine syrup dure kena thakea karne

Imphal, April 26, 2026: Ekta 21 sal mota ke dure sje Imphal East te April 25 te. Tai laga hath te para beshe codeine cough syrup pa karne. Manipur police laga Md. Warish para koi she ki, Hatta Golapati te buhea manu ke jun ke dure she 25 April te. Tai laga hath te para 151 bottles pai she cough syrup laga. Etu dawai toh manu khan mesa lagi bole karne khai aro drug control laws laga betor te ahea. Utu din te, alak ekta operation te, police khan para seven gari dure she, kunto petrol laga saman khan Moreh te loi jai thake she. Authorities khan 48 plastic daba pai she, betor te diesel aro alak fuel khan thake she koi she. Maruti Eeco vans, ekta Tata Yodha aro ekta Bolero pickup dure she. Driver khan toh Chandel aro Tengnoupal districts laga manu khan ase koi she.