Itanagar, November 23 : Mayor Tamme Phassang para lead kora Itanagar Municipal Corporation para National Green Tribunal (NGT) laga official khan logotey Itanagar ke rajya laga sobsey safa jaga banabole laga aim para dangor samitation(saaf safayi kora) project laga bhal para inspection kuribole nimitey haath milaisey.
Etu inspection laga asli focus tu 3.00 MID Sewerage(letra nala khan) aro 100 KLD Septage khan safa kora factory asey kuntu toh Naharlagun koikina ekta jaga te asey aro Itanagar laga osor te thaka Chimpu jaga te taan jabra khan safa kora factory asey. Civic body, kuntu te IMC laga commissioner, corporator aro engineer khan shamil asey etu civic body para bisi dhyan dikina construction hoithaka jaga khan ke etu sable nimitey survey kurisey ki project khan tu environment laga standard hisap te thik asey na nai nohoilebi miley na nai.
Mayor Tamme Phasang para media logotey baat-chit kora homoitey Itanagar nimitey mati bhitor ten ala ja laga rasta banabole laga jarurat tu janaisey aro koisey ki Arunachal Pradesh laga mosom para ekdam alag muskil khara kuridi asey.
Mayor Phassang para koisey, “Amikhan laga Arunachal te tu, gorom season te bisi dangor pani gira nimitey khali 4 moina 5 moina laga hey kaam kora season asey kuntu para construction laga kaam khan ke rokhaikina rakhi asey. Amikhan para etu kaam kora season ke, sob pending thaka project khan complete kuribole nimitey cholabole biswas korey. Amikhan rajya laga Chief Minister aro Deputy Chief Minister para IMC laga under te thaka project khan ke nazdeek para najar rakhi asey aro amikhan para etu project khan ke thik homoitey complete kuribole kosis kuri asey.”
Add Comment