Imphal, November 23 : Northeast region te, rasta laga connection ke improve kuribole nimitey dangor kadam utha te, Manipur laga nutun Jiribam-Imphal railway line bana project tu khotom hobole asey. Ekjun railway official para janaisey ki etu project, kuntu Mnaipur ke baki rajya khan logotey connect kuribole jaruri asey etu tu Northeast laga rajya laga sob capital khan ke link kuribole laga dangor initiative luwa laga ekta hisa asey.
Etu dangor initiative laga ekta jaruri bhak tu Noney Bridge asey kuntu toh 141 metre hoikina India laga sobsey uccha railway pier bridge hobole asey.
Sobsey latest khobor pa hisap te, etu bridge tu 80% complete hoikina asey, kuntu para engineering laga dangor kamyabi dikahbole asey aro rajya te paithaka diktar ke dur kuribole laga commitment bi dikhai asey.
111km laga Jiribam para Imphal tak ja Railway line complete huwa picheyte, etu tu khali rasta laga connection ke improve kuribole nimitey hey nohoikina Manipur aro etu laga osor area khan te thaka jaga khan laga economic development ke barabole nimitey bi asey.
Saman khan aro passenger khan khan train para aha juwa kora pra khorcha komti kuridibole, beypar barabole aro industry aro infrastructure khan te investment tanibole akha kuri asey.
Noney Bridge aro pura railway project para nutun job opportunity khan banabole asey aro rajya ke kamyabi hasil kuribole bisi dangor contribution dibole asey.
Etu Jiribam-Imphal railway project construction te 61.32 km tunnel, 11 dangor bridge aro 137 chutu bridge shamil asey.
Etu development tu Northeast rajya khan ke desh laga baki hisa khan logotey join kuribole laga dangor goal logotey mili asey aro enaka kurikina rasta khan laga connection improve kuribole, beypar, tourism aro manu khan ek dusra logotey baat chit kora tu asan banabole modod kuri asey.
Add Comment