Itanagar, January 26 : January 26 te, Indo-Tibetan Border Police (ITBP) jawan khan para India laga 75th Republic Day tu deshbhakti laga josh para Arunachal Pradesh laga India-China border laga pahar te manaisey.
ITBP laga duty tu India laga 5ta rajya te thaka India-China border ke guard kuribole laga asey kuntu te Arunachal Pradesh bi shamil asey. ITBP jawan khan para diktar thaka aro ekdam bhitor fale thaka jaga te Indian flag lehraikina aro ‘Bharat Mata Ki Jai’ koikina nara lagaikina taikhan laga national pride dikhaisey.
ITBP laga jawan khan para enaka jaga te Republic Day mana para utu sipahi khan laga dedication aro commitment dikhaisey kun khan India laga border ke bachabole nimitey kunba ekdam diktar halat te kaam kuri asey.
India-China border laga pura area te mojud thakikina aro 60 battalions(56 regular aro ta specialist) thakikina, ITBP jawan khan tu India laga taka taro sovereignity laga sabut asey.
ITBP jawan khan para desh bhakti dikha tu desh laga 75th Republic Day laga jashan maniya homoitey asey kuntu ke New Delhi laga Kartavya Path te alishan para manaisey. New Delhi te Republic Day laga jashan ke ekta parade para yaadgar banaisey. Etu parade para India laga military takat, cultural diversity aro women empowerment dikhaisey kuntu te all-women Tri-Service contigent aro maiki pilot khan para fly-past te bhak loisey.
Arunachal Pradesh te, ITBP jawan khan para Republic Day maiya para khali taikhan laga kitya bi komti nuhuwa josh ekla dikha nohoikina Arunachal laga Tawang area te olop din agyete jhamila ola laga yaad bi dilai asey kotey December 22 te Chinese sipahi khan logotey face to face larayi kurisey. Enaka diktar jhela laga bawajut bi, ITBP khan para border ke guard kurikina thaki asey aro desh laga democratic nyom aro kamyabi ke garv aro somman dikhaikina celebrate kurisey.
Add Comment