Agencies: Etu bar bhi Arunachal Pradesh laga Nobin Jomoh toh International Karate championship te India ke represent kuribole ase. Ahi thaka World Karate Federation (WKF) Karate-1 Series A Championship-2019 toh Salzburg, Austria te March 1 para 3 te hubole ase. WKF Karate 1-Series A toh world-class competition ase.Etu te duniya pura para karatekas khan ahe aro sob para ucha level te jabole nimite aro bishi competitive moka (opportunities) ani de. Etu Championship toh khula format te huwa nimite duiniya laga sob athlete khan participate kuribole allow kuri kena ase. Karate 1-Series A toh karate 1 laga nichete ase. Etu toh duniya laga sob para bhal competitors khan ke anibole nimite ase.
Nobin toh etiya Arunachal Pradesh Police te inspector hesab te service kuri ase. Agi din tok te Nobin toh panchta gold, charta silver aro duita bronze medals alak alak international events te jeetishe.
Desh laga events khan te tai 19 gold jeetishe, saatha silver aro barota (12) bronze medals jeetishe.
Add Comment