Team Sikkim 2nd Dr T Ao Centenary NE International NEC Gold Cup Football nimite taiyar ase

Agencies: Khbor hesab te 2^nd Dr T Ao Centenary NE International NEC Gold Cup Football te 18-member state team toh Sikkim ke represent kuribole taiyar ase koishe. 2^nd Dr T Ao Centenary NE International NEC Gold Cup Football Championship (U-21 years) toh February 19 para February 28, 2019 tok Guwahati Assam te hubole ase.

Etu prestigious championship nimite Sikkim state team toh February 17 te tai khan laga jaga para ulabole ase.

Sikkim team members toh Kunal Tamang, Lakpa Dorjee Bhutia, Roshan Mangar, Aunrag Chettri, Kelvin Sherpa, Abid Mohammad, Roshan Pradhan, Prashant Chettri, Boxer Pradhan, Nikesh Gurung, Robin Sharma, Sukraj Subba, Sagar Mahanto, Burnes Rai, Milan Chettri, Sangay Chophel, Sanjay Rai aro Roman Subba ase.

Team captian hesab te Kunal Tamang para team ke lead kuribole ase.

Arjun Rai toh team manager hesab te team laga saatha te thakibole ase. Milan Singh toh team coach ase, Dilip Chettri toh team official hesab te aro Dr Pragyan Basnett toh physiotherapist ase.

February 5 te Sports & Youth Affairs Department para selection trial conduct kurishe. Etu nimite State laga alak alak jaga khan para 60 footballers genika attend kurishe.

Selection committee para akhir (finally) te state ke represent kuribole nimite 18 players ke shortlist kurishe. Shortlist huwa khan toh Paljor Stadium te training loishe.

Chutu function te Sports & Youth Affairs Department laga secretary Dr RK Tamang para state team members khan ke best wishes dishe.