Itanagar, May 29, 2025: Arunachal Pradesh khan First Runner-up paishe koishe. Etu toh 47th National Arm Wrestling Championship te. Etu toh Madhya Pradesh laga Bhopal te thakhishe koishe. May 25 para May 28 tak.
Taikhan laga State khan 89 medals paishe koishe. Yete 54 toh Gold medal, 28 Silver Medal aru 7 bronze medals paishe koishe. Aru Uttar Pradesh khan toh Champioship Title toh paishe koishe.
Hoilebi Arunachal Pradesh khan toh Maiki laga Category te bishi bhal kurishe koishe. Yete taikhan maiki laga phane Championship title paishe. Aru muta khan toh First Runner-up thakhishe.
The All Arunachal Pradesh Arm Wrestling Association (AAPAWA) para janai dishe ki. Arunachal Pradesh khan toh 7 ‘Champion of the Champions’ titles paishe koishe.
Yete jitea khan toh Nanang Giri (senior and junior men’s categories), Phutong Wangsu (junior boys’category), Mousami Pakam Ete (senior women’s category), Pate Yasuk (girls’ youth category), Kipa Yayum (girls’ junior category), Jumbi Yomcha (girls’ sub-junior category) ase koishe.
Taikhan laga Team toh AAPAWA president Pakjar Taipodia, general secretary Yiri Kamcham, aru team manager Bamang Bai khan para led kurishe koishe.
Add Comment