Arunachal Manu ke Panni para loijaishe. Maas Durea homoi te

Itanagar, August 3, 2025: Yete 28 saal chokra ekjun harishe koishe. Tai toh Yomgo Nodi te maas duri thakhishe koishe. Etu toh Arunachal Pradesh laga West Siang District te ase koishe. Etu jamal toh August 1 laga 2 p.m homoi te thakhishe koishe. Etu manu toh Limin Ingo ase koishe. Aru tai toh Paya Bosti manu ase koishe. Tai toh nodi te slip khai kina girishe koishe. Aru Panni para taike loi jaishe koishe. Aalo Police Station Officer In-Charge Yomkem Riram para koishe ki. Ingo toh nodi te maas duri thakhishe koishe. Tai laga sathi khan logote. Aru koishe ki. Tai laga sathi duita toh olop du rte maas duri thakhea toh dishe koishe. Aru taike bachabole phat ahishe. Hoilebi parea nai koishe. Panni toh bishi jor para ja nimete. Arubi koishe ki. Taikhan National Disaster Response Force (NDRF) aru State Disaster Response Force (SDRF khan modot mangishe koishe. Yete etu manu ke bisaribole karne. Yete Paya Bosti laga 100 manu khan Police khan ke modot kuri kina bisarea ase koishe.