Itanagar, January 16 : Arunachal Pradesh laga capital Itanagar te authorities khan para Congress leader Rahul Gandhi ke Inner Line Permit (ILP) issue kurisey. Rahul Gandhi tu Bharat Jodo Nyay Yatra laga his ate Arunachal Pradesh te ahibole asey.
Itanagar Capital Region deputy commissioner Talo Potom para Rahul Gandhi ke ekta ILP issue kuribole asey kilemaney tai tu January 20 te Arunachal ahibole asey.
Rahul Gandhi ke ILP issue kora tu 10 din nimitey asey aro etu tu January 25 tak valid hobo. ILP laga hisap te Rahul Gandhi laga entry point(rajya te gusibole para laga jaga) tu Holongi, Banderdewa, Naharlagun Railway Station aro airport asey.
Rahul Gandhi laga alava etu ILP tu Sachin Gunjal aro Yurendra Sahu ke bi issue kurisey.
Sources hisap te, Rahul Gandhi tu Arunachal Pradesh te Gumto Gate laga through para gusibole asey aro Itanagar tak 20 kilometer theng para beraikina jabole asey.
Rahul Gandhi tu etya Nagaland te asey aro tai tu Assam te January 18 te gusibole asey.
Etu campaign laga his ate, Rahul Gandhi aro dusra Congress leader khan tu duita tarika para travel kurisey. General election hobole thaka nimitey eman homoi nathaka nimitey aro party laga elder leader khan laga gao laga dhyan rakhikina etu Journey te lamba rasta nimitey bus para travel kuri asey.
