ITANAGAR | March 6: Arunachal Pradesh te opposition parties khan pora permanent residence certificate (PRC) laga mamla pora chamela olaikena teenjun manu moriya aro besi manu khan jokhom powa laga kotha loikena Chief Minister Pema Khandu ke resignation dibole koise.
Besi deri nahoikena Janata Dal (Secular) te jowa purana chief minister Gegong Apang pora chairmanship loikena Opposition parties khan laga ekta meeting Itanagar te thakise.
Etu meeting te Arunachal Pradesh Congress Committee (APCC) president Takam Sanjoy, National Peoples Party (NPP) legislature party leader Tanga Byaling aro Peoples Party of Arunachal (PPA) president Kahfa Bengia mojud thakise.
APCC chief Sanjoy pora koise ki tai khan pora fesla koriya toh ekta 15-member delegation toh memorandum dibole state governor logote log koribo.
JDS laga North East in-charge, Okon Daggang, Congress Legislature Party Leader (CLP) Takam Pario, Congress MLA Mario Tado, PPA secretary general Kaling Jerang bi etu meeting te mojud thakise.
(PTI)
Add Comment