Gangtok | March 6: Chief minister aro Sikkim Democratic Front (SDF) chief Pawan Chamling toh sitha choita wala term nimite soku lagaikena ase, aro koise ki tai laga government pora chottu Himalayan state te manu khan laga jeevan toh 100 umar tak ponchaibole kam kori ase aro hydro power ekla pora Rs 2,000 billion laga revenue pai ase koise.
Sikkim toh April-May te Lok Sabha election thakiya saath assembly elections bi lobole ase. Milaikena 32 assembly seats pora, ruling SDF logote 29 ase aro opposition party Sikkim Krantikari Morcha logote khali tweita ase. Ekjun independent MLA toh Chamling laga chottu bhai ase.
Chogyals laga purana raj toh India laga hisa karne 1975 te hoise aro 2011 census laga hisabte sob milaikena 0.61 million manu ase. 2018-19 nimite tai khan laga budget toh Rs 70.51 billion thakise.
Sikkim te 40 nisina hydro projects ase, etu majote choita toh commission(jalu) korise aro 2,200-megawatt power diye ase. Pajia aalag khan toh ahiya panch saal bithor te khotom hobole phabana ase.
State te 1994 te power thurikena, Chamling toh etiya desh laga sobse lamba samoy thakiya chief minister ase.
Hoilebi Chamling toh asol opposition party Sikkim Krantikari Morcha (SKM) aro purana India football captain Bhaichung Bhutia pora June 2018 te bona notun Hamro Sikkim Party (HSP) pora besi diktari pai ase.
Jowa saal August te, SKM leader PS Golay toh corruption case pora jail te ek saal thakikena ola bicchete, tai ke sabash dibole East Sikkim laga Singtam te manu khan besi jamma korise. State te besi bhal pora janiya, Bhutia toh jowa saal nijor laga party bonaikena khusiya pora Chamling laga diktari aro besi hoise.
2014 assembly election te, SDF pora 21 seats jitise aro SKM pora 10 seats jitise aro ekta seat toh independent laga haat te jaise. Olop thakikena, saathta SKM MLAs toh charikena ruling party logote jaise. 2017 te, SKM laga Golay disqualify howa bicchete bypoll thakise aro etu election toh ruling party pora jitise.
Tai kotha koriya samoy te, Chamling pora etu bi koise ki sob ghor ke kam dibole Sikkim toh sobse pohoila state ase.
Jowan manu khan ke danibole kadam te, Chamling pora besi deri nahoikena 12,000 moda aro maiki khan ke government kam dise aro khobor korise ki 8000 jun ke state government laga ‘one family one job scheme’ nijete pora kam dibole fesla korise.
SDF government pora class 12 aro colleges laga 50,000 nisina students khan ke bi laptop diye ase.
SKM aro HSP tweita laga leaders khan pora Chamling aro SDF ke corruption laga bodnam korise.
Add Comment