Shillong, March 6: East Khasi Hills Deputy Commissioner, Matsiewdor War pora Council laga Assembly hall te KHADC laga 29 jun notun MDCs pora office laga oath(wada) lowa ke saise.
Sob milakena 29 MDCs pora, Sohryngkham laga MDC, Pyniaid Sing Syiem aro Mawlai laga UDP MDC, Teibor Pathaw pora oath toh Khasi bhasa pora korise.
Shella laga UDP MDC, Teinwell Dkhar aro Mawkhar-Pynthorumkhrah laga NPP MDC, Pynshngain N Syiem toh Khasi Hills Autonomous District Council laga Chief Executive Member (CEM) aro Chairman laga post nimite un-contested(sitha juniya) pora election jitibole ase.
Congress pora Thursday te etu tweita post nimite thakibole laga election te contest nakuribo koikena fesla korise.
United Democratic Alliance (UDA) laga candidates, Dkhar aro Syiem tweiju pora bi Wednesday te Legislative Council laga Secretary aagete tai jun laga nominations file korise.
Nomination file koriya bicchete khobor manu khan ke kotha korikena Syiem pora koise ki tai khan pora khobor paise ki Opposition Congress pora nomination file nakuribo kile koile tai khan manu na ponchiye.
Tai pora koise ki tweita posts nimite tai khan uncontested pora jitibo koikena paka ase kile koile Regional Democratic Alliance (RDA) laga noi jun MDCs aro NPP laga People’s Democratic Alliance (PDA) pora dos jun MDCs milaikena UDA laga dagot toh 19 ase.
Etu samoy te, Congress Parliamentary Party spokesperson, Ronnie V Lyngdoh pora koise ki tai khan pora contest nakuribole fesla korise kile koile tai khan manu ponchiya nai.
Add Comment