ITANAGAR | April 9: Arunachal Pradesh laga 60-member assembly election te khara koriya maiki khan toh 2014 laga election te saath jun pora othikena etu bar 11 candidates hoise.
State laga tweita Lok Sabha seats te ekta seats te bi ekjun maiki candidate ase.
Assembly aro Lok Sabha te noi jun pohoila bar khara korikena, etu toh state te etiya tak sobse besi maiki khan khara koriya ase. 2014 te saathta maiki khara korise aro ekjun jitise.
Etu Northeastern state te Lok Sabha aro assembly elections toh ekki logote April 11 te thakibole ase.
11 assembly poll contestants majote, Congress pora panchta maiki candidate ke khara koribole junise, ruling BJP pora teenjun nominate korise, aro People’s Party of Arunachal (PPA) aro (JDU) pora ekjun junise.
Etu bar election te besi maiki khara koriya toh mon dangor kori diye ase, hoilebi besi maiki khan aagete ahikena desh bonaibo laga kaam te hisa lobole laage, Arunachal Pradesh State Commission for Women (APSCW) Chairperson Radhila Chai Techi pora koise.
Purana teenjun candidates majote, BJP laga Dasanglu Pul aro Gum Tayeng toh tai khan laga seats pora re-election bisari ase aro purana minister Komoli Mosang toh election te Congress candidate karne khara kori ase.
(PTI)
Add Comment