Meghalaya: April 11 deh 19,14,795 electorates para vote koribo

Meghalaya laga two Parliamentary seats nemide total 19,14,795 electorates para April 11 dieek deh vote debole ase.

Sunday din Meghalaya Chief Electoral Officer, Frederick Kharkongor para khobor janaideya toh, 2019 deh total electorates toh 19 lakh para be besi othishe.

Kharkongor para kowah toh, last final publications time deh total electorates toh 18,92,760 thakise aro etiya 19,14,765 tak ponjishe.

Tai para kowah toh, last final publication deh total noton voters toh 76,000 tak chowah thakise.

Meghalaya CEO para kowah toh, notun voter toh nai nai koilebe 80,000 tak ponjibole ase aro etu toh ektum kaam laga ase.

 Kharkongor para agae deh khobor janaidekena thaga toh, last Lok Sabha polls 2014 time deh electorates toh 15,65,820 thakishe.

Meghalaya CEO para kowah toh, last publications time deh, 18, 46, 625 electorates laga ke 9, 36, 579 toh moda thakise aro 9, 56, 137 toh maike thakise. 2018 Assembly elections time deh electorates toh 18, 42, 163 thakishe.

Kharkongor para be kowah toh, etu sal January 17 direk final rolls publish kora ke 76,782 electorates toh 18-19 majode sal khan ase.

Pura state deh totak 3,167 polling stations toh ase. Etu deh 704 toh vulnerable polling stations ase, 249 toh critical polling stations ase ro 68 toh critical aro vulnerable polling stations ase.

Tai para be kowah toh 86 polling stations toh international border Bangladesh logode ase aro 171 toh inter-state border Assam logode ase.