Tura | April 7: West Garo Hills, Meghalaya laga Hallidayganj bosti te April 07, Sunday bhujur te checking koriya samoy te tweita aalag khatna pora Rs 6.4 lakhs thurise.
Etu thuriya toh dangor kotha ase kile koile etu jakka te etiya tweita elections lobole ase, Lok Sabha elections aro Selsella by-elections.
Etu poisa toh Sunday bhujur 10:45 am te thurise aro etu mamla ke election Flying Squad pora saise. Etu area toh Hallidayganj police station laga nijete ase.
Etu poisa toh tweijun manu laga haat pora thurise, tai tweijun laga naam toh Saha aro F Sheikh ase koikena jini paise. Etu thuriya poisa toh etiya Tura treasure strong room te rakhikena ase.
Moi khan pora etu poisa laga malik laga proof dekhaibole koise hoilebi etiya tak kon bi ola nai, Returning Officer, Ram Singh pora koise.
Add Comment