Arunachal te Congress para kelaff ase

July 3, 2021. Arunachal Pradesh Congress para incident ekta te Border Roads Organisation (BRO) para programme ekta thaka samai Defence Minister Rajnath Singh osor te Kimin  toh Assam jaga te ase koikena Defence Minister Rajnath Singh logot thikaishe, etu nemite inquiry loboli demand korishe. Arunachal Pradesh Congress para koishe ke, BJP-led State Government para besi tangor kam ekta kora te Kimin fiasco nemite thakishe. “Kimin-Potin road inauguration toh revenue jurisdiction Papum Pare deputy commissioner, GoAP pithor te kora toh saboli koishe, etu oper te BRO road inauguration programme samai Assam te Bilgarh toh 17 kilometres nehina jaikena zero-point para additional deputy commissioner Kimin, GoAP office osor te ase”, koikena Arunachal Pradesh Congress para janaishe. Congress para aro demand kora toh etu incident nemite ‘culprits’ kaun khan laga kam ase, etu manuh khan ke “law of the land para charged” koriboli lage koishe. Saturday din BRO para Arunachal manuh khan logot Kimin  nam toh ‘Bilgarh’ Assam te ase kowa nemite maff mangkishe aro etu samai Arunachal laga nam toh Defence Minister Rajnath Singh para olop din akhe Kimin visit kora samai white paste lakai thishe, etu rasta toh June 17 darik te inaugurate korishe koishe. BRO ke Kimin nam putli kora nemite putnam korishe, keli koile Kimin toh Arunachal Pradesh laga horu town ekta ase aro etu Itanagar para 75 km jaikena ase, hoilebi tai khan para Bilgarh  koikena Assam laga ase thikaishe. Etu samai, All Arunachal Pradesh Abo Tani Students’ Union para Chief Minister Pema Khandu oper  te aro Border Roads Organization (BRO) para Kimin  toh Assam jaga te ase kowa nemite FIR korishe. Students’ body para FIR te koishe ke, chief minister Khandu para BRO logot melikena Arunachal Pradesh laga Kimin-Potin jaga toh Assam te samil ase koikena ase.