July 03, 2021. Mizoram health minister Dr R. Lalthangliana Friday din te koishe ke covid-19 third wave besi beya ase. Etu din te COVID-19 Mizoram chief minister Zoramthanga para state ekla te Covid-19 hospital te 3rd wave nemite hospital kuli thishe. NGO-church manuh COVID-19 meting kora samai Mizoram chief minister Zoramthanga, health minister para koishe ke bacha khan toh Zoram Medical College (ZMC) state ekla te Covid-19 hospital bonaikena ase. Tai para koishe ke, 10 bedded paediatric intensive care unit (ICU), 25 bedded neonatal ICU aro 10 bedded high dependency unit (HDU) khan toh Covid-19 para dukh hoishe. Dosora desh neshina nahoikena Mizoram te Covid-19 bemar manuh besi dukh ase. Notun cases pithor te 120 cases toh symptomatic ase aro 246 cases toh asymptomatic ase koikena janaishe. 24 gonda pithor te 356 bemari manuh khan bhal hoishe. Itya dak Arunachal Pradesh te 31,648 manuh logot Covid-19 positive tested thurikena ase aro 28608 manuh Covid-19 bemar bhal hoikena ase. Arunachal Pradesh te Covid-19 bhal howa rate toh 90.39% ase. Arunachal Pradesh te itya sob melaikena 2,889 active Covid19 cases ase. Monday din dak te state laga positive rate toh 9.13% ase. Arunachal Pradesh te Covid-19 bemari para 151 manuh laga jevan jaikena ase. Monday din dak te Covid-19 bemar para manuh mora rate toh 0.48% ase.
Add Comment