Asia Cup 2018: Hong Kong jetise UAE logode

Agencies, 6 September: Thursday din men’s Asia Cup 2018 de Hong Kong toh United Arab Emirates  logode two wickets (DLS method) pora jeti kena group stage de kushibole parise. Group A de, Hong Kong toh Inda aro Pakistan logode ase. Aro etu tournament toh September 15 pora suru hobole ase. Hong Kong laga khelari Aizaz Khan pora 5-wicket lowah karni UAE toh 24 over de khali 176/9 he lobule para thakise. Etu bechide Hong Kong toh tinta ball bachi kena 179 target pongjai deya thakise. Hong Kong toh ektum phal pora suru howah thakise. Tai khan laga khelari Nizakat Khan aro Anshuman Rath pora meli-kena six overs de 64 runs lowah thakise. Etu agae de, Nizakat  toh 20-ball 38 pora out howah thakise. Tai ke toh Rohan Mustafa pora out kora thakise. Babar Hayat aro Kinchit Shah pora meli kena scoreboard roh 68/3 bonaideya thakise. Ketya Ahmed Raza pora Rath logode 28 de out korise etu time de 82/4 howah thakise 10 over de. Ashfaq Ahmed toh 51 balls de 79 score kora thakise. Stage time de UAE toh gara pora suru howah thakise. UAE laga khelari Ashfaq pora highest 79 runs mara thakise. Hoilebe tusara khelari khan sob 50-run nejide thakise. 16 September de Hong Kong toh Pakistan logode  khelibo aro 18 September de tai khan India logode khelibole ase.