Guwahati, April 21 : Assam laga Baksa district laga Salbari laga Moirajhar jaga laga ekjun 16 years laga student para Saturday din te Class 10 exam fail huwa picheyte suicide kurikina murisey.
Reports hisap te etu chukri para pesticides(puka morabole laga dawai) khaisey.
Assam te Class 10 exam laga result tu Saturday din te SEBA para announce kurisiley. Aro etu chukri tu etu exam clear kuribole paranai.
Hospital te taratari loija laga bawajut, etu chukri tu jeher para murijaisey. Etu khobor para pura rajya dukh te asey. Aro khali etu chukri laga parivar ekla nohoikina pura community bi ekdam monduk hoisey.
Etu monduk laga ghotna para student khan exam laga homoitey kiman pressure aro mushkil jheley etu dikhai asey.
Exam te bhal perform kuribole laga expectation para student khan laga dimag laga aro emotional halat ke biya kuridibo parey.
Add Comment