Aizawl, April 21 : Duniya laga baki desh logotey, Mizoram Salvation Army Youth, kun ke theology puribole nimitey select kurisey, taikhan tu Sunday din te rajya laga alag alag jag ate Corps Cadet Sunday manaisey.
Junior Cadet tu February 29, 1986 te Salvation Army laga youth aro baccha khan ke theology sikhabole nimitey banaisiley, kotey 500 application submit hoisiley. 1898 para Junior Cadet ministry tu 3,000 members te barijaisey.
February 10, 1998 te South Suxxex te ekta winter season te, British Commissioner para Junior Cadet laga naam tu Corps Cadet te bodli kuridisiley. Corps Cadet para pura duniya te 124 years nimitey seva kurisey. 1929 te, Territorial Commander, Colonel McKenzie laga leadership under te, Mizoram laga Aizawl, Biate aro Ratu jaga te Major Kawlkhuma logotey Corps Cadet banaisiley aro 10 jun manu para apply kurisiley. January 1930 para Khualkungi, Thanzami, Mungi, Lianchhungi, Di-a, Lalchuanga, Tawia, Senbawnga, Doliana aro Lalnghaki tu Mizoram laga first Corps Cadet hoisey.
Etya, Mizoram te 3699 Corps Cadet asey. Corps Cadet nimitey apply kora khan tu 11years aro etu para opor hobo lagey aro tobacco aro drugs khan nakha manu hobo lagey. Taikhan laga Bible Verse tu Psalm 119:9 asey.
Corps Cadet Guardian Jenny Zothanpuii para koisey ki Corps Cadet Sunday maniya homoitey pledge(kosom kha) ceremony, solo gana kora, gna kora manu khan, group gana kora, Bible Verse recite kora aro band, gorib manu khan laga modod kora, hospital, rehab homes aro institution khan visit kora shamil asey. Kunba Corp Cadet khan tu taikhan laga aas paas te samaj seva bi korey.
Add Comment