SEPTEMBER 07,2020: All Bodo Students’ Union (ABSU) para kun ke olop akhe te jorhat te murishe ti nimete insaf mangishe.
ABSU para koishe etu aspiring homeopathic doctor Basumatary, kun ke murikena paishe Chandan Nagar Jorhat town Saturday laga rented ghor te murikena paa laga sopna khotom kurishe.
Student body khan asorit hoishe aro etu case nimete insaaf mangishe kuntu para state ke asorit kuraidishe.
Udalguri Sunday ABSU president Dipen Boro media logote kotha kura samay te koishe”etu muraidiya toh ami khan khilaaf kuri ase kun Covid19 duty nimete mondikena kaam kuri thaka toh.”
Boro koishe “ami khan para assam government ke koishe ekta high-level investigation olabole nimete aro etu case ke fast track court te luijabole nimete etu victim ke insaaf dibole nimete.”
Dr. Basumatary, (26), toh Nogen Basumatary aro Tirala Basumatary No. 1 Santipur village Udalguri district te thaka laga mota bacha ase.
Tai toh J K Memorial Homeopathic Medical College Jorhat te intern doctor laga kaam kuri thakishe. Basumatary para tai laga Bachelor degree toh Homeopathic Medicine and Surgery 2019 JK Memorial Homeopathic Medical College para loishe.
Etu 24 hours bithor te etu Basumatary laga body paa pichede Saturday phujur te police para tai ke murai diya manu 24-year-old Diganta Tanti Tocklai tea estate Rajabari area Jorhat laga ghor para thurishe.
Add Comment