May 3, 2021. Assam Assembly election 2021 laga final result te, BJP para 60 seats kamyaab hoishe aro Congress para kali 29 seats paishe, koikena khobor toh Election Commission of India (ECI) para junaishe. Sunday din te Assam Assembly election result declare kora te, BJP’s alliance partners Asom Gana Parishad (AGP) para 9 seats paishe aro United People’s Party Liberal (UPPL) para 6 seats te kamyaab hoishe. Congress-led Grand Alliance partners aro All India United democratic Front (AIUDF) para 6 seats paishe, Bodoland People’s Party (BPF) para 4 seats paishe aro Communist Party of India (Marxist) para 1 seat jetishe. BJP-led alliance para 126 Assembly seats pithor te 75 seats paishe aro etu samai Congress-led Grand Alliance para kali 50 seats jetishe. Notun party Raijor Dal president aro jail te thaka manuh Akhil Gogoi para Sibsagar seats nemite election te kamyaab hoishe. Hoilebi, aro notun party ekta aro Raijor Dal’s laga partner Assam Jatiya Parishad (AJP) para katha kuliboli kamyaab howa nai. ECI website hesab te, etu paar laga election te BJP’s vote share kora toh 33.21% thakishe aro Congress laga vote toh 29.7% ekla share korishe. Dosura parties laga vote share kora toh AGP – 7.91%, AIUDF – 9.29% aro dosura party 13.7% thakishe. Etu samai, Assam Congress president aro Rajya Sabha Member Ripun Bora para Assam Assembly election te kamyaab nakora nemite tai state party president para resigned korishe koikena khobor para janaishe.
