Assam : Badruddin Ajmal para tailaga 3jun MLA ke gusa uthikina bhir ke mike felaisey

Guwahati, April 23 : Ekta  dramatic ghotna te, All India United Democratic Front (AIUDF) laga chief Maulana Badruddin Ajmal para Tuesday din te, gusa uthikina stage laga bahar te microphone felaikina Hailakandi te huwa AIUDF party laga meeting te hangama khara kuridisey. Etu ghotna huwa homoitey tatey thaka manu khan para report kurisye ki Ajmal, para manu khan jama huwa homoitey AIUDF party lag amember khan ke address kora homoitey microphone felaisey. Etu ghotna tu Hailakandi district para 3jun MLA ke criticize kurithaka homoitey etu ghotna hoisey. Tai para etu 3jun MLA tu kaam thik para nokorey koikina koisey.  Ajmal para enaka beybohar kora tu etu first time nohoi. Reports para dikhaisey ki tai para poila te huwa ekta  meeting te bi microphone felaisiley. Etu microphone laga ghotna huwa picheyte, Ajmal para logalog jaga charikina jaisey aro etu meeting attend kora manu khan ke asurit kuridisey. AIUDF laga majotey tension bari thaka homoitey, Ajmal laga enaka harkat para bisi dhyan khichisey. Aro AIUDF party laga majotey jhamila chuli thaka aro etu party laga leadership para taikhan laga diktar khan ke address kuribole tarika chola laga opor te sawal uthai asey. Ajmal laga harkat laga parinam ke loikina agey laga khobor aro party(AIUDF) laga jawab nimitey rukhi asey.