Guwahati, January 21 : Assam laga Chief Minister Himanta Biswa Sarma tu Bharat Jodo Nyay Yatra ke January 23 te Guwahati gusibole laga permission nidiya nimitey Congress neta Jairam Ramesh laga target te ahisey.
Etu opor te etu yatra te Rahul Gandhi laga saath diya Jairam Ramesh para taikey Guwahati Press Club te Rahul Gandhi media logotey kotha kuribole laga permission nidiya nimitey bi CM Himanta ke kara para criticize kurisey. Guwahati Press Club para Rahul Gandhi ke kotha kobole invite kurisiley.
Ramesh para tailaga khusi napa tu X(poila twitter thakisey) te jataisey. Tai para CM Himanta tu Assam te etu Yatra ke swagat kora dikhikina nervous hoija aro hilija laga iljam lagaisey aro koisey ki etu CM para bar bar taikhan laga yatra te badha ani thakisey aro rajneetik charcha ke dabai asey.
Hoilebi, Assam Information aro Public Relation Minister Pijush Hazarika para etu iljam khan tu inkar kuridisey.
Tai para koisey ki Guwahati Press Club laga kaam khan te Assam sarkar laga eku authority nai aro invite kors laga faisla tu pura puri etu club opor te thakisey.
Etu bayan khan para Assam te rajneetik tension baraiidsey. Aro opposition party khan para CM Himanta ke etu mamla laga asol kahani tu control kuribole kosis kuri asey aro opinion ke chup korabole kosis kora laga iljam lagai asey.
Rajya te etu Yatra popular huwa para etu jui te tail dhalidisey aro Guwahati te gusibole ijajat nidiya tu CM Himanta laga administration laga khilaf te criticize kora laga asol point hoijaisey.
