Guwahati, January 21 : NSCN-KYA aro ULFA-I para milikina January 2 te Republic din te ekta “boycott aro public hartal” kuribole issue kurisey.
NSCN aro ULFA-I para ekta bayan te enaka koisey, “ NSCN/GPRN aro ULFA-I tu amikhan laga stand aro zimidari khan te pura puri kayam asey. Naga aro Asom(Assamese) manu khan ke pura takat aro authority wapas pabole nimitey milikina dukh kora tu amikhan para nyom hisap te taikhan laga hisap te chulibole inkar kuridiya tu asey aro taikhan para bardash kora, dukh pa, sacrifice kora aro azadi pabole akha kora tu kitya bi waste nohobo.
Etu bayan te ennaka koisey, “Hodai saal kora nisna, amikhan para amikhan laga morom thaka manu khan ke dangor akha rakhikina taikhan laga jonom huwa laga haak tu cholaikina jashan namanaikina amikhan para boycott kora tu support kuribole request kuri asey.”
Agey barikina enaka koisey, “Amikhan laga matti laga bahadur martyrs(bhal nimitey jaan didiya manu khan) laga somman te, ghor bhitor te thakikina candle jolaisey koile bhal hobi.”
Etu duita group(NSCN-KYA aro ULFA-I) para Assam, Manipur, Nagaland aro Arunachal Pradesh te Republic Day namanibole koisey.
