Guwahati, October 17 : Assam laga sarkar para direction diya hisap te, samaj laga bhalayi nimitey poila te ekbar bi nuhuwa ekjut hoikina dikha show te, Assam laga 20 district laga 100 opor busti para ekta awareness program organize kurisey kotey, bisi mota, maiki aro baccha khan para Assam para child marriage khotom kuridibole nohoilebi hataidibole kosom khaisey.
Etu hapta first fale, bisi alag alag sarkari department khan para official aro alag stakeholder khan ke ‘Child Marriage Free India’ (India ke child marriage para mukt kuribole laga campaign) te pura puri bhag lobole aro Assam ke child marriage para mukt kuribole kosom khabole koisey.
Police station para loikina courtroom, panchayat aro community centre, chutu baccha para loikina child marriage para bachikina thaka buri maiki tak loikina, pura desh para ekdam dangor jawab paisey aro crore opor manu khan para etu te join kurisey aro child marriage ke khotom kuridibole nimitey kosom khaisey.
Child Marriage Free India tu ekta duniyabhor laga campaign asey kuntu ke maiki activist(samaj tea was utha manu) aro 160 civil society organization para 300 opor district te India te 2030 tak te child marriage khotom kuridibole nimitey cholaisey.
Pura din, Assam laga rajya te scene tu tyohar mana nisna aro jashan mana nisna thakisey. Aro mohol tu josh aro commitment para bhorikina thakisey aro child marriage laga changul para bachija maiki khan para kora late evening candle march te bisi manu khan para etu message dikina bhag loisey ki nutun Assam te child marriage laga jaga nai.
UNICEF para hisap kitap kora hisap te, judi Child Marriage tu enaka chuli thakisey koiley India te 2050 tak aro million opor chukri khan tu child marriage lagachangul te fasibo.
Assam laga jana mana baccha khan lga bhalayi nimitey samaj te awas utha manu aro lawer Bhuwan Ribhu para ‘When Children Have Children : Tipping Point To End Child Marriage’ koikina ekta nutun kitab likhisey, kuntu tu juwa hapta te, etu campaign laga ekta his ate release hoisey etu para child marriage ke 2030 para hey kinaka kurikina khoom kuridibo paribo etu laga ekta blueprint disey.
Etu book te enaka koikina asey, “ Child marriage tu baccha laga rape kora nisna asey. Etu para baccha pregnant hoijabo aro enaka kurikina murijabo.”
The National Family Health Survey-V (NFHS 2019-21) para report kurisey ki desh te 20-24 years laga majotey thaka 23.3% maiki ke 18 years nupungcha ageyte shaddi kuridisey aro Assam ekla te 31.8% thakisey.
Add Comment