Imphal, October 17 : Bisi alag alag quarter para kara protest kuri thaka homoitey, Manipur te, mobile Internet service bon kuridiya tu aro ektra 5 din karney baraidisey. Etya internet ban tu aro October 21 laga 7:45 pm tak baraidisey.
Internet ban kora laga imposition baraidiya tu public laga bhalayi nimitey nyom aro beybosta maintain kuribole laga ekta measyre aro kunba samaj laga aginst te kaam kora manu khan para social media (whatsapp, facebook, instagram) khan ke picture, nafrat kora laga bhasan aro nafrat kora laga video message khan transfer kuribole nimitey cholabo parey koikina kora laga asey.
Etu notification tu, ekta shaktishali Naga Organisation, Tangkhul Mayar Ngala Long (TMNL) para Ukhrul te, Internet ban kurikina thaka tu logalog khulidibole laga demand kora aro sarkar para etu mamla ke thik kuribole nimitey thik action noloisey koiley taikhan para dangor protest rakhibole dhomki diya laga bawajut bi olaisey.
Manipur te mobile internet tu May 3 te gondogol ola picheyte ban hoijaisey.
Internet ban thaka tu September 23 te khuli disiley hoilebi etu picheyte aro ekbar Imphal te police aro student khan laga majotey larayi jhagra ola picheyte ban kuridisey.
Add Comment