DIBRUGARH , December 13, 2019 : Assam chief minister thaka jaka district dibrugarh te law aro order situation thik nahuwa nimete security uthaishe.
District te law aro order thik thak thakibole nimete curfew toh imposed kurishe.Army khan flag march kuri thakishe district laga sensitive areas khan te.
anti-CAB protesters khan para Mancotta road bondh kuri dishe ghass khan phangai aro julaikena aro tyres bi julaidikena hours nishena aro BJP government laga khilaaf hala kuri thakishe .
Security forces khan tear gas khan fire kurikena protestors khan ke target kurishe.Police official koishe ki “protestors khan para bishi bus khan biya kuridishe ASTC bus terminus Chowkidinghee te .Ami khan miscreants laga khilaaf strict action loi ase .Ami khan khobor pai ase ki kunba third party khan etu phangaidiya hadsaa te thakishe.”
Etu anti CAB protestors khan para Dibrugarh te RSS office te hamlaa kurikena duita motorcycle julaidishe .
Etu protesters khan para office laga duita rooms bondh kurishe aro etu room te thaka khan phangaidishe .
Etu hadsaa huw jaka te thakikena bi police khan okobi kuribole paranai etu mob khan ke rukhabole nimete .
Union minister for food processing and industries Rameswar Teli’s residence Tipling Chariali Duliajan te anti-CAB protesters khan para hamlaa kurishe.
Etu protesters khan para tai khan laga ghor te petrol bomb marishe.Tai khan tai laga ghor julai dibole kosish kurishe hoilebi police khan para tai khan ke rukhaidishe.
police aro anti-CAB protesters khan majhotte chamela olaishe etu te 13 manu khan etu te officer-in-charge Duliajan police station, Rupjyoti Dutta bi jhokom paishe .
Assam Medical College and Hospital (AMCH) te jhokom paa manu khan ke luijaishe aro tai khan hospital te treatment loi ase.
Etu protesters khan para Dulijan te ekta ambulance phangaidishe.Etu protesters para aro bi Chabua branch United Bank of India ke jui lagaidishe.
Hijuguri Tinsukia district te bi charta dukaan te jui lagaidishe.
Add Comment