TEZPUR , June 15, 2019 : Friday rati police aro forest officials khan para joint operation kurikena duita suspected Rhino poachers khan ke thurishe .
Etu thurikena thaka poachers khan laga naam toh Boludunga Biswanath Chariali police station te thaka late Subrati Ansari laga mota bacha 23-year-old Md. Hanif Ali aro Boludunga Biswanath Chariali police station te thaka Md. Bakkar Ali laga mota bacha 21-year-old Md.Abdul Sohid ase .
Khobor paa hisaab te etu operation toh Crime Investigation Range Biswanath Wildlife Division aro Gingia police khan kurishe National Highway 15 te Crystal Maze Baghamari area Biswanath district osorte .
Etu poachers khan laga haath para Two .303 rifles thurishe.Etu ekla hi nohoikena ekta mobile phone aro ekta motorcycle registration no AS12-Q-7809 thakikena tai khan laga haath para paishe .
Etu police aro forest team khan Pranjal Baruah, ranger, Crime Investigation Range, Biswanath Charali aro officer-in-charge Biswajit Medhi of Gingia police station logote milikena kura ase .
Etu bondukh khan toh ekta dangor rice husk thakikena bosta te paishe.”Etu te thaka ekta poachers Hanif Ali polabole kosish kurishe etu bosta phekaikena .Hoilebi etu team khan osorte thaka paddy field para thuribole parishe ,”Official sources koikena janaishe.
Tai khan ke BNC court te luijabo hunting attempt laga charge Kaziranga National Part laga 6th addition te aro hunting nimete bondukh khan thura nimete .
Add Comment