GANDACHERA , June 15, 2019: Dhalai district Tripura Gandachera subdivision Durgapur Friday rati te Indigenous People’s Front of Tripura (IPFT) laga suspected supporters khan BJP parliamentarian Rebati Mohan laga ghor te hamlaa kurishe.
Hoilebi etu hamlaa huwa time te Tripura East Lok Sabha MP toh ghor te thakanai kile koile tai Agartala te jai thakishe Delhi te jabole nimete Saturday te,sources khan koikena janaishe .
Etu hamlaa kura manu khan para bike julaidishe gaari biya kuri dishe aro MP laga ghor te pathor phekaishe .Etu MP laga ghor toh 71 Battalion BSF laga border outpost te ase ,”Sources khan koikena janaishe.
Etu IPFT Tripura coliation government laga patner Bharatiya Janta Party (BJP) logote ase .Hoilebi etu duita parties toh olop akhe luwa Lok Sabha polls te ladai kudise.
Eyewitness khan kuwa hisaab te etu hamlaa kura manu country-made gun para tinta round fire kurishe aro Twipraland slogan kurishe police khan laga saamne te .
Etia etia samasiya thik huwa kile koile BJP supporters khan jamaa kurishe rods laathi aro dusra saaman khan thurikena IPFT supporters khan para jawab dishe .
Senior police officials etu te superintendent of police (SP), etu jaka te punchibole laga bhabana ase .
Add Comment