AUGUST 24 2020: Chirang police para Sunday te ekta ekta elephant tusk smuggler kun laga naam Alen Basumatary ase tai ke thurishe aro tai laga haath para duita tusks paishe.
Etu operation toh Chirang Additional Superintendent of Police (HQ) Prakash Medhi aro tai laga team Chirang forest department logote milaikena kurishe.
Chirang DFO Brahmananda Patiri para Northeast Now logote kotha kura samay te koishe “ ami khan para ekta khobor paishe ki 60 kilograms elephant tusk nishena dadgiri te lokaikena thakishe.
Patiri para khobor dishe “ami khan para etu khobor toh Chirang police ke dishe aro tai khan operation kurikena aro Saturday din te paanchta manu ke thurishe.
DFO para aro bi koishe “chan bin kura pichede ekta poacher ke custody te rakhishe aro dusra khan ke jabole dishe.tai laga haath para police khan para elephant laga duita tasks paishe.”
Tai aro bi khobor dishe ki aro bi operations khan poachers laga khilaaf loi thakishe aro elephant tusk smugglers khan laga khilaaf ahibole laga din te kuri ase.
Tai koishe “ami khan bhabona kurishe ki aro bi tusks khan kunba jaka Nepal aro Bhutan border osorte rakhikena ase.Lockdown nimete etu tusk toh luijabole paranai aro ami khan bhabona kuri ase etu culprits khan ke joldi thuribole nimete.”
Tai para aro bi chirang police ke etu tusks paa nimete dhandyaabad janaishe.
Add Comment