Assam November 16, 2023: Sashastra Seema Bal(SSB) lokot milikina Forest officials kan para ekta dangor Pyhton Assam laka Udalguri district para Bogamati Deuchunga bosti laka ekta pond para bajaishae koi ase November 15 dhe khobor laka esab dhe.
Sources para koishae ki koto dangor sab dho bosti dhe taka manu kan para poila dho ekta pond dhe dekishae aru deka sath forest range laka office dhe kobor dho bunchaideshae. Python sab dho 20 feet lamba takishae aru 100kg bhari takishae. Forest department laka manu aru SSB laka ekta team sab taka dhe polaikina jaishae aru Python ki bajaishae. Forest laka officials para biche dhe Pyhton dho Bornadi Wildlife Sanctuary ki deshae.
Forest officer Jiten Sud para koishae ki jungli laka janwar kan kitiyaba jungle para olajai tai khan laka ghana bisarikina.
“Jungli janwar aru sab kan jungle dhe ghas khan komde hui ase dho tai kan laka bhad bisarikina jungle laka bahar olaijai. Jungli janwaar dho kitiya dho dangor group dhe ahikina ghor aru kheti kan biya kuride. Etu situation dhe nahibo dibo kurne manu kan dho hoshiyar takibo laki” Sud para koishae.
Forest officer para koisahe taikan ki maff kuri divi taikan para taikan laka duty dho bhal wara kuribo paranai taikan lokot koto komde resources taka para.
“ Resources komde hua kurne moikan duty kuribole bishi duk bai ase. Moikan Staff komde ase. Car bhal ekta bhi bhal nai aru ekta taka bhi konorkom juli ase. Kitiyaba dho dil bhi netaki” officer koisahe.
Forest officer para koishae ki bosti manu kan kitiya dho ghussa uthi tai khan para matikina time dhe nabunchile.
Add Comment