Guwahati, March 28 : Seher te medical science te ekta dangor development aha te, Wednesday din te Gauhati Medical College and Hospital (GMCH) te In Vitro Fertilization (IVF) technology laga through para ekta baccha jonom hoisey.
Reports hisap te, GMCH principal Prof.(Dr.) Achyut Chandra Baishya para sob manu ke etu dangor achievement laga jankari disey.
GMCH te, ekta press conference ke address kora homoitey, Biashya para koisey, “2022 te, amikhan para amikhan laga hospital te ekta infertility clinic suru kurisey. March 27, 2024 te IVF laga through para amikhan laga hospital te ekjun chukri deliver hoisey, caesarean para. Etu baccha laga weight tu 2.6kg thakisey. Ama aro baccha duijun laga halat bi thik asey.”
Etu majotey, GMCH Superintendent Dr. Abhijit Sarma para koisey, “Private hospital khan te, IVF treatment laga khorcha tu Rs 5 para Rs 6 lakh tak jai. Hoilebi, amikhan para etu treatment tu Rs. 70,000 te di asey. GMCH tu Northeast te IVF treatment diya first government hospital asey.”
Etu medical authority khan para inform kurisey ki GMCH te IVF treatment tu hodai hapta Wednesday aro Friday te korey. Aro IVF treatment kuribole mon thaka manu khan ke GMCH te jaikina kuribole dibole mon asey.
Add Comment