Guwahati, April 30 : Rajasthan Royals laga team Guwahati, Assam te pungchibole nimitey khali teen hapta bachikina asey. Aro etu majotey, Assam Cricket Association (ACA) Stadium te dhamadam kaam chuli asey.
Rajasthan Royals team tu tatey duita match khilibole asey. May 15 te Punjab Kings laga khilaf te aro May 19 te Kolkata Knight Riders laga khilaf te match khilibole asey.
Rajasthan Royals ke etya Indian Premier League (IPL) 2024 laga top te place kurikina asey. Taikhan tu 8bar jitisey aro 16 points tu taikhan laga 9ta opening match para paisey. Etu team tu aro 3ta match , May 2 te Hyderabad te, May 9 te Delhi te aro May 12 te Chennai te khela picheyte May 13 te Guwahati pungchibole asey.
Assam Cricket Association (ACA) Stadium ke sobsey best condition te pabole nimitey, Rajasthan Royals laga Chief Executive Officer (CEO) Jake Lush McCrum para management laga baki member khan logotey milikina bisi preparation kuri asey.
Rajasthan Royals laga team Northeast te wapas ahibole thaka laga kotha koikina, McCrum para koisey, “Amikhan tu Guwahati te aro duita match khilibole nimitey wapas ahibole bisi excited asey. Aro amikhan laga joshila supporter khan ke sobsey best match sa laga experience dibole paribo etu te focus kuri asey. ACA Stadium tu desh laga best stadium majotey ekta asey. Aro amikhan para enaka mohol banabole nimitey ekey logotey kaam kuri asey kuntu te juwa bar Guwahati te match khela te amikhan laga players khan khilibole khusi paisey.”
Tai para koisey, “Juwa saal amikhan laga match ke loikina bisi positivity thakisey. Amikhan tu hazar opor fan khan ke team ke action te sabole dibole karney rukhibo napara hoisey. Amikhan tu Assam Cricket Association (ACA) para dangor support paikina khusi asey, kun para stadium laga infrastructure te hospitality(khatirdari kora) area ke upgrade kurikina, media facility ke renovate kurikina aro special residential project launch kurikina bisi improvement kurisey.”
McCrum para etu bi koisey ki taikhan para Assam laga Guwahati seher bhitor te aro pura Northeast te Rajasthan Royals Northeast te wapas aha laga asol josh create kuribole nimitey bisi ki ki kuribole plan kurikina asey. Taikhan local mall, school/college, restaurant aro bisi jaga khan te taikhan May 15 aro 19 te field te ja homoitey ki expect kuribo lagey etu laga idea dibole nimitey activate kuri asey. Taikhan tu fan khan nimitey bi competition organise kuri asey kuntu para taikhan ke poisa para kinibole napariya laga experience pabole dibo.
Taikhan para activities plan kora majotey, City Centre Mall tu etya Rajasthan Royals fan zone laga ghor hoijaisey. Kotey cricket khela manu khan logotey ekta selfie zone, augmented reality-led zone aro dusra khan laga through para taikhan laga favourite team logotey najdeek mehsoos kuribole moka pabo.
Add Comment