GUWAHATI: Board of Secondary Education Assam (SEBA) para HSLC/AHM Examination 2021 toh July 30 darik te junai thiboli ase koishe, etu samai Assam Higher Secondary Education Council (AHSEC) para HSSLC result toh July 31 darik te junai thiboli koishe. HSLC & HSSLC examinations 2021 saal nemite exam toh Covid-19 bemari halat nemite thakiboli parai nai. Hoilebi evaluations toh evaluation committees para data submitted kora hesab te kotom hoishe. Wednesday din press release te SEBA secretary Suranjana Senapati para koishe ke, HSLC/AHM Examination, 2021 saal nemite candidates khan laga evaluation toh Assam government para bona School Evaluation Committee aro District Level Scrutiny Committee para data deya hesab te korishe koishe. Candidates laga result toh Results Gazette te PDF format te thakibo aro candidates laga Roll Numbers kaun passed hoishe, etu te paijabo. Sob melaikena 4,38,828 candidates ase, etu pithor te 7,301 candidates toh SEBA,High School Leaving Certificate (HSLC)/Assam High Madrassa (AHM) Examination, 2021 te samil ase. HSLC examination results toh melaikena sob 4,26,553 candidates pithor te 1,97,565 male ase aro 2,28,988 female ase, etu oper te examination results toh 12,275 candidates nemite declare koribo, etu pithor te 47,23 male ase aro 7,552 female ase. Students khan para digital mode of Marks-sheets toh websites para download koriboli paribo nahoile tai khan laga Marks-Sheet toh Mobile App te July 30, 2021, 11:00 AM samai saboli paribo koishe. Marks-sheet download koribo nemite students khan para tai khan laga Roll No toh lekiboli koishe.
Assam: HSLC aro HSSLC results July 30, 31 te junai thibo
