AUGUST 24 2020: Assam finance minister Himanta Biswa Sarma para Monday din te dusra senior Assam cabinet ministers laga saamne te Guwahati-North Guwahati ropeway shuru kurishe.
Etu ropeway toh 2km lamba sase aro etu distance toh seven minutes te khotom kuribo aro ekta carriage te 32 passengers khan ke uthabole paribo.
Hoilebi COVID-19 pandemic situation nimete authorities kahn para manishe 15 passengers uthabole nimete etu bi enika samay te sob passenger khan protective gear lagabole nimete.
Ekta way laga ride daam toh Rs 60 thakibo aro duita way commute nimete Rs 100 lagibo.Passemgers khan etu toh hudai haafta aro moina passes te jabole paribo.
Etia etu ropeway toh 8 am para 6 pm tak jabo aro komti hoilebi 58 CCTV cameras khan halidikena ase round the clock monitoring nimete ropeway service laga.
Etu pura project toh Rs 56 crore te bonaishe.
Aro bi khobor hisaab te etu ambitious project toh 2006 te Guwahati Metropolitan Development Authorities para shuru kurishe Brahmaputra riverfront toh bhal kuribole nimete.
Etu kaam laga bishibak toh 2019 te khotom kurishe.
Add Comment