GUWAHATI: Gharialdubi Bokajan Police Station Karbi Anglong district osorte Thursday din 9:30 pm nishena te haathi khan para ekta manu ke chepaikena muraidishe.
Etu murijaa manu laga naam toh 45-year-old Shankar Malakar ase.sources para koikena janaishe 9.30 pm nishena te Gharialdubi village te 4-5 haathi khan ghussise asro bishi wala ghor aro plants khan biya kuridishe.
Sources para koikena janaishe ki”Shankar Malakar toh etu haathi khan laga samne te aha pichede tai ke etu jaka te chepaikena muraidishe.
Etu pichede bosti manu khan para etu haathi khan ke khedabole parishe. Bokajan police khan para etu jaka te punchikena Malakar laga body toh luijaishe post mortem lobole nimete.
Manu aro haathi laga chamela toh Karbi Anglong and West Karbi Anglong districts te chuli ase.
Olop moina akhe phaneh bishi wala herd komti hoilebi 100 nishena haathi khan toh Kheroni area West Karbi Anglong district te bui thakishe.
Etu haathi laga herd toh saam te bhaagh hoishe osorte thaka bosti khan te jabole nimete.kitia haathi laga herds khan bosti te ghussise koile toh tai khan ghor khan biya kureh aro paddy fields khan ke target kureh.
Tai khan para aro biarecanut, coconut and banana tree khan biya kureh. Karbi Anglong and West Karbi Anglong laga forest cover toh komti kurishe etu bi deforestation, illegal felling trees aro encroachment nimete.
Timber laga smuggling Meghalaya laga osorte thaka jaka khan te West Karbi Anglong te chuli ase etu te forest department khan para timber-laden vehicles khan samay samay te thura pichede bi.
