Assam Laga 14 LS Seats Pora BJP 13 Te Khara Koribo

GUWAHATI | February 28: Wednesday te, Assam unit BJP pora khobor korise ki tai khan state laga 14 Lok Sabha seats pora 13 te khara koribo koise.

BJP president, Ranjeet Kumar Dass pora Wednesday te media khan logote kotha koriya samoy te koise ki “Party pora Kokrajhar constituency te ekta candidate bi najunibo kile koile moi khan laga ally Bodoland People’s Front (BPF) contest koribole ase. Etu charikena moi khan 13 seats nimite khara koribole ase aro party khan toh jitibo koikena mon dangor ase.”

Etiya BJP logote Assam pora saathta Lok Sabha seats ase. Congress aro All India United Democratic Front (AIUDF) tweijun logote teenta ase. Kokrajhar seat te Naba Sarania, ekjun Independent MP ase.

BJP pora tai khan laga candidates laga list toh ola nai hoilebi, Dass pora pohoila koise ki gomjor MLA kono bi khara nakoribo. Congress logote 134 nominations paise, etu khan ke jaach kori ase.

Wednesday te 300 nisina youths khan Hengerabari te tai khan laga headquarters te BJP te officially join korise. Dass pora koise, “Hotai din, jowan manu khan BJP logote ahiye kile koile tai khan pora moi khan laga party laga maksat buji ase. Ami khan laga sepahi khan nisina moi khan bi patriotism aro discipline ke biswas ase.”