Shillong | March 2: Meghalaya state aro state police department nimite ekdum khusi laga khobor ekta te, Shri.D.K.Prasad,MPS,Dy.Superintendent of Police, East Khasi Hills, Shillong ke “Union Home Minister’s Medal for Excellence in Investigation” laga award dibole junise. Etu award toh Meghalaya laga police pora powa toh pohoila bar ase. Tai pora Indian Police Medal (IPM) aro Governor’s Medal bi pohoila paise.
Etiya Shillong te posting thakikena, Dy SP Prasad toh state department nimite kam koriya te sobse aage thakise.
Tai laga leadership nijete, Shillong laga Sadar Police station toh 2016 te besi sabha howa nimite besi naam dangor hoise. Tai ke Shillong laga SP Vivek Syiem aro public manu khan pora mon khusi powa janai dise.
Tai pora moda-maiki majot laga manu khan nimite bi support korise aro animal rights nimite te bi besi kotha korise aro halat biya manu khan nimite aro city sabha rakhibo nimite bi besi kam korise.
Tai manu khan logote sathi nisina thakiya aro besi social work te bi hisa lowa nimite, Dy SP DK Prasad ke Meghalaya laga konoba organizations khan pora khusi powa janai dise.
Meghalaya laga DY SP DK Prasad logote Manipur laga Laxmi Heisnam (W/SI) aro Mizoram laga SI Malsawmtluanga Ralte ke bi etu award dibo nimite junise.
Add Comment