Saturday te Assam shooter Hriday Hazarika pora 50th Grand Prix of Liberation international shooting competition laga 10 metre air rifle (men) shooting category te bronze medal paise.
Etu international shooting competition toh Czech Republic laga city Plzen te dhakise.
Assam shooting pora final te 228.2 total point mari kena third rank paise.
Hazarika pora shooting competition laga qualification te 627.2 total points marise.
International tournament laga 10 metre air rifle (men) shooting qualification round te total 130 players khan dhakise.
Etu players laga majo te, Hazarika bhi milai kena tai khan eight jun ekla final karne chunise.
Etu 16 umar manu pora Germany te Junior ISSF World Cup 2018 te gold medal bhi pai kena ase. South Korea te World Championships te gold medal bowa biche te tai etya shooting laga senior national rankings te third position te ase.
Tai Delhi, Germany, Japan, South Korea aro Iran enika jaga te bishi kisim shooting championships te khili kena ase.
Tai laga shooting laga kam toh 2013 te tai laga papa pora Lakhimpur district te dhakiya Sankardev College te samil kuridiya biche te hoise aro yade tai ke 10 metre air rifle shooting lkaga training dise.
Add Comment