Gadchiroli: Monday te naxal khan para duita alak alak hinsa kura khobor paishe. Etu hinsa khan toh Maharashtra laga Gadhchiroli district te hoishe. Police ke khobor kura manu khan bhabi kena naxals khan para duita bosti manu khan ke murai dishe.
Police koishe ekta ghatna te Sunday saam te murija Sudhir Sarkar ke Moaists khan para aparan kurishe. Sudhir Sarkar ke Maoists khan para Gadchiroli district te thaka Etapalli tehsil laga Bande bosti para apharan kurishe. Lash toh rati te bosti osor te thaka jongol para paishe.
Monday din te police koishe dusra ghatna te Naxals khan para ekta mota ke murai dishe. Etu ghatna toh Gadchiroli laga Bhamragad jaga te hoishe. Naxal khan para shaak kuri thakishe ke etu manu toh police khan ke khobor kura manu thakishe.
Sources koishe ke murija manu toh etiya bhi janibole napari kena ase. Aro puchtach toh kuri ase koishe.
Police koishe Saturday te etu aki shaak para Maoists khan para ekta mota ke shaadhi function para othai loi jaishe. Etu ghatna toh Mardhar bosti te hoishe. Lash toh rati te bosti osor para paishe.
Add Comment