Guwahati, January 3 : Assam laga Golaghat district te, jaanleva accident huwa picheyte kuntu te komsikom 12 manu laga jaan jaisey etu picheyte rajya laga sarkar para sob picnic ja manu khan nimitey ekta SOP issue kurisey.
Etu SOP laga hisap te, etya para loikina picnic jabole nimitey passenger bukha bus khan tu phujur te fog safa huwa picheyte hey aha juwa kuribo parey aro shaam te fog ahibole ageyte pungchibo lagey.
Media ke kotha kurikina Chief Minister Himanta Biswa Sarma para koisey, “Manu khan tu picnic nimitey phujur bisi joldi naolabo lagey. Aji, rajya laga police para ekta SOP issue kurisey kuntu te enaka koisey ki bus khan tu phujur te fog safa huwa picheyte hey chulibo paribo aro shaam te fog safa hobole ageyte wapas pungchibo lagey.”
Agey barikina CM Sarma para jor dikina koisey ki phujur laga 4;30 am fale fog nimitey eku bi sabole napara hoijai aro etu nimitey manu khan tu picnic nimitey bisi joldi naolabo lagey.
Poila January 3 te, Assam laga CM Himanta Biswa Sarma para Dergaon te huwa bhayanak bus accident te monduk jataisey aro monduk hoikina thaka parivar khan ke tailaga condolences janaisey.
Tai para etu accident te murija manu khan laga parivar khan ke tailaga condolences offer kurisey.
Ekta tweet te, CM Sarma para koisey ki local administration khan para koisey ki enaka dukh laga homoitey local administration para jokhom kha manu khan ke ki ki parey etu sob modod di asey.
Assam laga CM para tweet kurikina koisey, “Local administration para enaka mushkil laga homoitey jokhom pa manu khan ke sob jaruri support di aseyTaikhan joldi recover hobole nimitey prathana kuri asey.”
45 picnic party bukhikina thaka etu bus tu Tinsukia fale jai thakisey jitya etu bus tu opposite fale para aha truck logotey takraisey. Etu accident tu Assam laga Golaghat district laga Deragaon, Balijan osor te thaka under-construction national highway te hoisey.
Etu 45 manu tu Kamarbandha para loikina Tinsukia laga Tilinga mandir aro Dibrugarh laga Bogibeel jag ate New Year picnic manabole nimitey jai thakisey.
Add Comment