Guwahati, June 26, 2025: June 25 din te. Assam Police khan para South Salmara te Operation kurishe koishe. Aru yete taikhan para drug bika manu ke durishe koishe. Aru tai laga haat para Heroin Drugs aru Pharmaceutical Drugs khan bi paishe koishe. Aru etu toh Rs 67 lakh laga daam ase koishe.
Yete taikhan South Salmar laga Bhalughat Bosti te drugs bika manu laga khobor hunishe koishe. Yete Police khan para General Dairy Entry (GDE NO.15, Date 20-06-2025) aru bisarea laga operation toh suru kurishe koishe. Rati 11:30 PM homoi te.
Operatoin toh Inspector Js Khobung (OC, South Salmara PS) para ed kurishe. Aru SI Kaushik Dutta, SI Isha Hoque, Women Constable aru alak staff khan parabi modot kurishe koishe. Yete taikhan Ashraful Islam ke durishe koishe. Tai toh 27 saal ase. Aru tai toh Professional Drug bika manu ase koishe. Tai laga haat para 25 sabun dab ate Heroin drugs paishe. 1,001 Grams toh daba te thakhishe. Aru 316 grams toh daba thakhea nai. Yete Rs 63,20,000 laga daam ase koishe.
32 Strips laga Tramadol Capsules. Sob milai kina 768 Capsules ase koishe. Aru etu toh Rs 3,84,000 laga daam ase koishe. Ekta Mobile Handset aru Duita Sim paishe koishe. Aru ekta Bike bi paishe koishe.
Add Comment